बांगलादेश क्रिकेट संघाचा (Bangladesh Cricket Team) माजी कर्णधार तमीम इक्बाल (Tamim Iqbal) याला हृदयविकाराचा झटका आला आहे. खरंतर, सामना खेळत असताना तमीम इक्बालला हृदयविकाराचा झटका आला, त्यानंतर त्याला रुग्णालयात दाखल करण्यात आले. मीडिया रिपोर्ट्सनुसार, तमीम इक्बाल ढाका प्रीमियर लीग (डीपीएल) मध्ये मोहम्मद स्पोर्टिंग क्लबकडून खेळत होता. तमीम इक्बालने क्षेत्ररक्षण करताना छातीत दुखत असल्याची तक्रार केली. आज ढाका प्रीमियर लीगमध्ये मोहम्मद स्पोर्टिंग क्लब आणि शाईनपुकुर क्रिकेट क्लब हे संघ आमनेसामने होते. यादरम्यान तमीम इक्बालला हृदयविकाराचा झटका (Tamim Iqbal suffers a heart attack) आला.
तमीम इक्बालबाबत बांगलादेश क्रिकेट बोर्डाने काय म्हटले?
मीडिया रिपोर्ट्सनुसार, तमीम इक्बालला फिल्डिंग करताना अस्वस्थ वाटू लागले, त्यानंतर त्याला फजिलातुनेशा रुग्णालयात दाखल करण्यात आले. तथापि, तमीम इक्बालचा वैद्यकीय अहवाल अद्याप जाहीर झालेला नाही. दरम्यान, बांगलादेश क्रिकेट बोर्डाचे (बीसीबी) डॉक्टर देबाशिष चौधरी यांनी या घटनेची पुष्टी केली आहे. खरंतर, तमीम इक्बालने छातीत दुखण्याची तक्रार करताच, त्याला रुग्णालयात नेण्यासाठी हेलिकॉप्टरची व्यवस्था करण्यात आली. क्रिकेट वेबसाइट क्रिकइन्फोनुसार, तमीम इक्बालने 50 षटकांच्या सामन्याच्या पहिल्या डावात याची तक्रार केली होती, त्यानंतर वैद्यकीय तज्ञ ताबडतोब पोहोचले.
तमीम इक्बालची आंतरराष्ट्रीय कारकीर्द-
तमीम इक्बालने 2007 च्या एकदिवसीय विश्वचषकात भारताविरुद्ध आंतरराष्ट्रीय क्रिकेटमध्ये पदार्पण केले. 70 कसोटी सामन्यांव्यतिरिक्त, तमीम इक्बालने 243 एकदिवसीय आणि 78 टी-20 सामन्यांमध्ये बांगलादेशचे प्रतिनिधित्व केले. कसोटी स्वरूपात, तमीम इक्बालने 38.89 च्या सरासरीने 5134 धावा केल्या. याशिवाय, त्याने त्याच्या एकदिवसीय कारकिर्दीत 36.65 च्या सरासरीने 8357 धावा केल्या. त्याने बांगलादेशसाठी टी-20 मध्ये 117.20 च्या स्ट्राईक रेटने आणि 24.08 च्या सरासरीने 1758 धावा केल्या. तमीम इक्बालने एकदिवसीय सामन्यांमध्ये 10 शतके केली. याशिवाय, तमीम इक्बालच्या नावावर कसोटीमध्ये 14 शतके आहेत. तर तमीम इक्बालने टी-20 क्रिकेटमध्ये एक शतक झळकावले आहे.
