कान्समधील दीपिकाचा लूक पाहून नेटकऱ्यांना आठवला ‘पद्मावत’मधला खिलजी, म्हणाले…

बॉलीवूड अभिनेत्री दीपिका पदुकोण सध्या कान्स फिल्म फेस्टिव्हल 2022 मुळे चर्चेत आहे. दीपिका या फेस्टिव्हलच्या ज्युरी सदस्यांच्या टीममध्ये सहभागी आहे. सोशल मीडियावर सध्या दीपिकाचे या फेस्टिव्हलमधील लुक व्हायरल होताना दिसत आहेत. त्यात तिच्या साडी पासून ते गाऊन पर्यंत चर्चा ही सर्वत्र सुरु आहे, पण या सगळ्यात तिच्या एका गाऊनची आणि तिच्या लूकची तुलना ही पती रणवीर सिंगच्या ‘खिलजी’ या ‘पद्मावत’ चित्रपटातील भूमिकेशी होत आहे.

दीपिकाने तिच्या इन्स्टाग्राम अकाऊंटवरून तिचा हा फोटो शेअर केला आहे. या फोटोत Louis Vuitton या ब्रॅंडचा एक गाऊन परिधान केला आहे. तिचा हा लूक काही नेटकऱ्यांना प्रचंड आवडला तर काहींनी त्याची तुलना ही रणवीरच्या खिलजी या भूमिकेशी होत आहे.

दीपिकाने शेअर केलेल्या या फोटोवर नेटकऱ्यांनी वेगवेगळ्या कमेंट केल्या आहेत. एक नेटकरी म्हणाला, ‘शहामृग दिसत आहेस.’ दुसरा नेटकरी म्हणाला, ‘ड्रेस कमी हत्तीचे कान दिसत आहेत.’ तिसरा नेटकरी म्हणाला, ‘रणवीरच्या खिलजी या लूकने प्रेरित असल्याचे दिसत आहे.’ खिलजीशी प्रेरित असल्याच्या अनेक कमेंट नेटकऱ्यांनी केल्या आहेत.