भंडारा जिल्ह्यातील शेतकऱ्यांनो पिक सांभाळा कारण भंडारा जिल्ह्यात पुन्हा अवकाळी पावसाचे संकट उभे झाले आहे. हवामान विभागाने अंदाज वर्तवण्यात आला आहे. खरा ठरला असून बुधवारची रात्र तुमसर येथे पावसाने हजेरी लावली. आता पुढील दोन दिवसात अवकाळी पाऊस होण्याचा हवामान खात्याचा अंदाज वर्तविला आहे.
मध्य भारतात काही भागांत कमी दाबाचा पट्टा निर्माण झाला आहे. त्यामुळं पूर्व विदर्भातील काही भागांत अवकाळी पावसाचे सावट निर्माण झाले आहे. बुधवारी रात्रीही भंडारा जिल्ह्यात पावसाच्या सरी बरसल्या आहेत. तर, ११ फेब्रुवारी रोजी पूर्व विदर्भात अवकाळी पाऊस पडण्याची शक्यता वर्तविली आहे. विशेष म्हणजे लाखांदूर, साकोली, तुमसर व लाखनी ह्या भागात कमी दाबाचा पट्टा निर्माण झाल्याने ह्याच तालुक्यात पावसाची शक्यता जास्त आहे.
त्यामुळं ह्या भागातील शेतकऱ्यांवर अस्मानी संकट ओढावण्याचे चिन्ह दिसू लागले आहे. सध्या शेतात गहू, चणा, वाटाणा, यासह कडधान्या पिक शेतात उभे असल्याने ह्या पिकांचे नुकसान होण्याची शक्यता आहे. तर दूसरीकडे धानखरेदी केंद्रामध्ये विक्री करीता आणलेला तसेच खरेदी केलेले धान उघड्यावर पडला असून तोही भिजून खराब होण्याची शक्यता आहे. त्यामुळे पुढील दिवसात काळजी घेण्याचे आवाहन भंडारा जिल्हा आपत्ति विभाग करीत आहे.
